بسم الله نبداو هاد الوصفة من ابداعي : 4كيلات فرينة كيلت بفنجال نتاع القهوة حليب ماش الشوب الفنجال لكبير فهمتوني ؟
نص كيلة مخلطة سمن و زبدة دايبين
شويم ملح
نص كاس تاى خل ماشي بزاف
ساشي ناقصة شوية خميرة نتاع قاطو
شويةزعفران
وتلمي بما الزهر .ايييييه وشوية جلجلان محمص مرحي
وتدلكيها حتان تولي ملساء تقريبا وتقسميها الى 4 كويرات وتخليها تريح شوية
منبعد تركبي الماشينة نتاع البقلاوة
تحلي الكويرة الولى مستطيل غير صغير وتزدي الكويرة الزاوجة كيفكيف ومنبعدتجيبي الكويرة الولى المحلولة وترشيها مليح بالنشى
وتزيدي تحطي الزاوجة الملولة فوقها وتحلي بشوية باه ميهربولكش منبعد قطعيها مستطيلات او دي بوند وفوتيهم في ماشينة البقلاوة الرقيقة
منبعد
قطعي بالجرارة مربعات كبيرة وقطعي كل مربع في الوسط 4 حلات يكونو عراض
باه كي تقليه يتنفخو مليح راني جربتهم رقاق ميتنفخوش مليح
منبعد سخني الزيت مليح لازم يكون ياسر وقليهم كي تنحيه من المقلة حطي في العسل وهاكدا حتان تكمل العجينة زيدي طبقي على الكريات
