يمه وانا لـ جروح الايام مرباع ,
هاتي همومك .. لا تنامين بـ هموم ,
يمه لو ان العمر يشرى وينباع ,
لـ أعطيك عمري ما اتمنى ولا يوم ,
آخذيه كله .. واتركي كل الاوجاع ,
عطيني ايام السهر واخذي النوم ,
يا كم وكم فليت لـ الضيقه شراع ,
لانيب لا صاحي ولاني بـ منجوم ,
من المحاتا .. راحت انصافي ارباع ,
ارووح وارجع واقعد شوي وآقوم ,
ازورك اضحك .. كن ماني بـ ملتاع ,
وانا بليا قلب .. ومحطّم عزوووم ,
وكل الكلام اللي على خاطري ضاع ,
وفي ( خاطر عيوني ) سواليف وعلوم ,
سلامتك يا أعز من شالت القاع ,
ما صابك من الله مقدّر ومقسوووم ,
كلي شرف لاصرت في رضاك .. طماع ,
ارضيك .. ماني في رضاء الناس ملزوم ,
ليت المرض يفطر عليّه ليا جاع ,
وعن عافيتك .. يدوّر الاجر ويصوم ,
منقول
الله يقـوم امهاتنا بالسـلامه والله ينعم عليهم بالصحه والعافيــة وطولة العمر
المصدر:ستار تايمز