صابلي بالكاكاو و حلوة الترك...

اذهب الى الأسفل

صابلي بالكاكاو و حلوة الترك...

مُساهمة من طرف الزعيم في السبت ديسمبر 10, 2016 3:02 pm

السلام عليكم ... و صح مولودكم ان شاء الله يا ربي ينعاد علينا بالصحة و الهناء ان شاء الله
اليوم حبيت نحط اول مشاركة ليا في هاد القسم و ان شاء الله تعجبكم هاد الحلوى لي جبتلكم لاخاطر دوقها بنين بزاف و تزكي .... المهم نخليكم مع المقادير و انا راني استعملت ضعف المقادير لي حطيت
نحتاجو
500 غ زبدة و انا استعملت لابال
100 غ سكر ناعم
50 غ نشاء
2 صفار بيض
1 خميرة
1 حلوة الترك صغيرة
الفرينة انا استعملت تقريبا 1 كلغ فرينة لابال
للتزيين رايحين نحتاجو
صفار بيض
حليب سائل دافء
كاكاو
عجون المشماش
كاوكاو مرحي خشين
الطريقة
رايحين نطلعو المرغرين مع السكر الناعم مليح حتا يولي اللهو ابيض

من بعد نظيفو صفار البيض و نخلطو مليح

نضيف حلوة الترك لي نكونو فتتناها و نحركو مليح

رايحين نزيدو النشاء و الفرينة و الخميرة لي نكونو غربلناهم مليح و ديما كيما يقولو الاجوات نلمو العجينة ماش نعجنوهحتا نتحصلو علا عجينة طرية

انا شخصيا نطرحها فوق النيلون باه منزيدش الفرينة و نشكل دوائر

نحطهم في البلاطو

في اناء نخلط صفار بيضة و ملعقة كاكاو و نزيد الحليب حتا نتحصلو علا خليط سائل نحركوه مليح ... انا استعملت 3 صفار بيض و ندهن بيهم حبات الصابلي و نشكل خطوط باستعمال فرشيطة


ندخلها للفرن طيب و كي طيب نحيها و نخليها تبرد

نلصق كل 2 بالعجون و كدلك الحواشي لي نمرمدهم في كاوكاو مرحي خشين


وهدا شكلها في صحن التقديم

عن قرب

ان شاء الله جربوها و تعجبكم لاخاطر صح تستاهل
في امان الله
avatar
الزعيم
المدير العام
المدير العام

الجنس الجنس : ذكر الْمَشِارَكِات الْمَشِارَكِات : 5645 نقاط نقاط : 10629 السٌّمعَة السٌّمعَة : 235 العمل/الترفيه العمل/الترفيه : étudient

http://www.sidiamer28.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى